Agencies, 18 September: Tuesday din Premier League de Southampton aro Brighton khela thakise. Etu khel de Tuita team be 2-2 pora draw howah thakise. First goal toh Southampton phalli pora thala thakise. Pierre-Emile Hojbjerg pora 35 minute de goal thali kena Southampton de lead korideya thakise. Aro break bechide tai khan ke penalty chance powah thakise. Etu time de Danny Ings pora goal thali kena 2-0 pora lead kori deya thakise. Hoilebe, Brighton khan be har na-mana thakise. Tai khan laga kosish toh mesa-mesi jai-ja nai. Tai khan Danny pora goal thali-kena tui-minute howah bechide Shane Duffy pora goal thalideya thakise. Etu pora Brighton draw tak hoile be koridebole kosish kora thakise. Brighton khan 90 minute de penalty chance powah thakise. Etu chance powah toh Glenn Murryay pora loi-kena goal thalideya thakise. Etu pora Brighton toh draw koribole para thakise. Southampton toh next Liverpool logode khelibole ase aro Brighton toh Tottenham logode khelibole ase.
November 1, 2024
World's First and Only Nagamese Newspaper
Add Comment