Southern California’s de 5-jun moraidese

Agencies, 13, September: Khobor hesab de, California Kern County jaga de ek-jun manu pora jar-jun aro tai laga maike moraidese koise. Etu bechide deputy official osor aihe thaga time de tai nejor shot kori kena morise koise. The Assiciated Press pora khobor janaideya toh, Kern County Sheriff Donny Youngblood pora hamla toh Wednesday din 5.30 pm (local time) nahowah agae de hoise koise. Etu hatsa howah toh north Los Angeles pora 90 miles opor dur business aro khor de howah ase koise. Kern County Sheriff Donny Youngblood pora Kero-Tv de kowah toh, etu shooting toh accidently howah nahoi koise. Tai aro kowah toh, six manu olob time majode morise koise. 5.30 pm nesana phalli etu manu toh tai laga maike logode trucking company de thakise. Etu time de tai tusara manu ke moraideya thakise. Youngblood pora kowah toh, etu manu pora trucking company de ek-jun manu ke moraidese aro tai laga maike ke be moraidese koise. Etu bechide tai laga agae de dekha manu ke be shot korise koise. Sheriff pora kowah hesab de, etu manu pora tai khan khor de jai thaga time bebe tui-jun manu ke moraidese koise. Etu bechide tai ekta maike bacha logode gari jolai aihe kena thaga be gari loi-kena pola thakise koise. Ketya etu maike bachi kena polai thakise, etu time de sheriff’s deputy pora dekha thakise koise. Ketya deputy pora etu manu ke bondukh point korise etu time de tai nejor chest de goli mari kena mora thakise koise. Etu manu laga identity toh joldi najanaideya thakise.