Surigao City, February 11: Southern Philippines te ekdum dangor earthquake ahikene thakishe aru eitu nimite Saturday te rescuers khan pora manuh khan ke bachabole laga kaam shuru korikene thakishe. Eitu quake te kum se kum (at least) 15 jon manuh morikene ase aru ekdum bisi manuh khan safety karone polai jaikene ase.
Friday raati, 14:03 GMT te eitu 6.5-magnitude quake ahikene thakishe aru bisi aftershocks bi ahi thaka karone Southern town Surigao te thaka manuh khan raati te ekdum bhoi korikene thakishe.
Provincial disaster management officer Ramon Gotinga pora koise, morikene thaka bisi jon manuh khan toh opor te pora giriya saman pora lagikene mora ase. Ekta ghor laga upper floor bhangikene giriya karone ekta bura manuh bi morikene thakishe. Rescue teams khan pora raati te ekdum kaam korikene thakishe hoillebhi eitu bura manuh ke bachabole pariya nai. Dusra ekta 80-sal hoikene thaka buri maiki bi heart attack pora mori jaikene thakishe. Eitu quake te 126 jon nisena manuh khan jokhom hoikene ase aru tai khan majote 15 jon manuh laga halat bisi biya ase.
Add Comment