January 23, 2024: Southwest China laka ekta remote aro mountainous jaka deh landslide hui shae aro etu landslide aha laka death toll tho 25 tak punchi jai shae Tuesday din deh, state media para kui shae. Rescuers kan itia b basa manu kan keh basa ri bole koshish kuri ase.
Etu pre-dawn landslide para 18 ghor keh dabai di shae aro landslide kuto Zhenxiong country deh aha shae, etu para tuiso manu keh evacuate kuri bo laki jai shae. Disaster hua piche deh 34 hours tho hui jai shae aro tu time deh 25 manu muri shae kui nah confirm hui nah taki shae, state broadcaster CCTV para kui shae. Ekta agae report kuto Tuesday din deh ahi shae, etu para 24 manu itia b hari nah ase kui shae.
State news agency Xinhua para rescue workers kan time lokot kil ease kui shae hara manu kan keh bisari bole. “Search aro rescue koshish tho rati pura kuri ase,” firefighter Li Shenglong para Xinhua keh kui shae.
Wu Junyao, director of the natural resources and planning bureau of Zhaotong para disaster tho ekta steep cliff jaka para ahi shae kui shae collapse hua time deh. Rescue operations karne tuiso nishi nah rescue workers kan keh patai nah ase, etu laka upor deh dozen nishi nah fire engines aro alak saman kan b patai di shae. China laka President Xi Jinping para Monday din deh, “all-out” rescue efforts order kuri shae.
Add Comment