June 01, 2024 : Itu India Meteorological Department (IMD) para predict kurishey, isolated heavy/ bishi heavy pani giriboley nishina asey, itu North Eastern state khan tey, itu aha paach din karney. Tai khan laga hudai din laga bulletin tey IMD para koishey, ki, Arunachal Pradesh, Assam, Meghalaya, sub- Himalayan West Bengal aru Sikkim toh hoiley isolated heavy/ bishi heavy pani giboley nishina asey. Nagaland, Manipur, Mizoram aru Tripura tey toh fairy widespread/ widespread pani giriboley nishina asey, itu aha paach din tey, tai khan para koishey.
Tai khan para koishey, ki, itu cyclonic circulation northeast Assam aru osor tey toh 1.5 km para opor uthi asey, sea level thaki kena asey. IMD para koishey ki, itu south west monsoon toh hoiley, itu Bay of Bengal, Tripura, Meghalaya, Assam, Sub Himalayan West Bengal, aru Sikkim laga alag part khan tey punchi asey. Itu monsoon toh hoiley Kerala tey punchi kena asey, southern India tey.
“Condition khan toh favorable asey, itu southwest monsoon nimitey, agey advance kuriboley, itu central Arabian Sea laga bishi part khan phaney jaboley, itu kunba bachi kena thaka part khan tey, south Arabian Sea, itu Lakshadweep area, Kerala, Karnataka laga kunba part khan tey, Tamil Nadu laga kunba part khan tey, aru itu Southwest Bay of Bengal laga part khan tey, itu teen din tey,” itu weather official para koishey.
Add Comment