Southwest Pakistan te huwa ekta bomb blast te komsikom 10jun hazira kora manu murisey aro 6jun jokhom khaisey koikina ekjun government official para Friday din te inform kurisey. Shahzad Zahri koikina ekjun government official para AFP ke enaka koisey, “Harnai district te huwa ekta attack te 10jun koila khunda manu murisey.”
Etu hazira kora manu khan tu taikhan laga kaam kora jaga para market faley ahi thakisey jitya taikhan laga gari te bomb blast hoisey.
Etu bomblast tu Southwestern Pakistan te thaka Balochistan province laga capital Quetta para 160 kilometer dur te thaka Harnai koikina ekta district te hoisey. Etu bomblast nimitey etya taak kun group para bi zimidari luwanai. Hoilebi Baloch Liberation Army, kunke security forces aro dusra jaga para ahikina Baloch te boha manu khan khas kurikina Punjabi khan opor te jaan-leva hamla kora nimitey jana jai, taikhan para etu jag ate poila bi enaka hamla kurisey.
Add Comment