Boca Chica, 14 March : Duniya laga sobse powerful rocket Starship, itu laga third test flight dey successfully blast kurishey Thursday dey, ekta live-streamed event dey kuntu two million manu para live stream kuri thakishey.
SpaceX laga Starbase para southeast Texas dey Lift-off kurina 8:25 am local time (1325 GMT) phaney ahishey.
Itu mega-rocket toh NASA laga plans karney vital asey, itu decade dey moon dey astronauts khan ke land kuriboleh — aro Elon Musk para Mars ke colonise kuriboley laga hope.
Jaa par laga tuita kosis toh ekta spectacular explosions logot khotom huishey, juti itu toh eman bishi chee bhi nahoi : Itu company para ekta rapid trial-and-error approach luishey development julti kuriboley aro itu strategy para past dey jeet anishey.
Kitia Starship laga itu tuita stages toh combine kuribo, itu rocket toh 397 feet (121 meters) lamba gharah kurey — Statue of Liberty ke aaram para 90 feet para haraina.
Starship laga third launch test, itu laga fully stacked configuration toh itu laga sobse ambitious kosis asey.
Add Comment