Spain airspace bon kuri dishey US aircraft ke Iran war te involved thaka

Spain, 31 March 2026: Spain khan taikhan laka airspace bon kuri dishey US planes ke hamla te hisa lwa Iran opor te, Madrid laka Defence minister Margarita Robles pra koishey. Tai pra koishey, Moikhan Moron aro Rota (military bases) laka use toh authorise nakuribo leh eku kam karne war ke related Iran te. Koishey ki Spain khan etu clear banai shey American government pra shuru pra he. Foreign affairs minister Jose Manuel Albares pra koishey ki decision laka aim toh ase ‘eku b nakuribo leh kun toh escalation encourage kuribo etu war te’.
Ekta white House official pra BBC ke koishey ki US military khan lok pai ase nahoi leh sop goals surpass kuri ase operation Epic Furry under te nahoi leh madat nalageh Spain nahoi leh kun pra hoileh b. US president Donald Trump pra previously dhamki dishey ekta full trade embargo impose kuribo Spain opor te taikhan laka opposition karne Iran war ke. War shuru hoi kina late February te, Spanish PM Pedro Sanchez toh sopse vocal opponents hoishey US laka.