Madrid, Spain, 23 October : Spain para purana sona artefacts seize kurishey kuntu 60 million euros ($63.6 million) nishina daam asey Ukraine laga haat para chor kuria, chor khan para bikawoley kosis kuria piche dey dhura khaishey Madrid dey, Spanish police para Monday dey kuishey.
Itu 11 pieces toh, bishi pak jewellery kutey intricate necklaces, bracelets aro earrings thakishey, itu toh Greco-Scythian period time laga asey 8th aro 4th centuries BC maju dey, police kuishey.
Itu samaan khan toh ekta Kyiv museum dey exhibit kuri thakishey 2009 para 2013 maju dey, aro 2016 dey Ukraine laga bahar smuggle kuri dishey, Madrid National Police kuishey ekta statement dey, museum laga naam nakuina.
Itu artefacts khan misa laga documents panaina thakishey Ukrainian Orthodox Church laga samaan nishina dikhawoley hisab dey, police kuishey.
Three Spanish aro tuita Ukrainian nationals ke investigation laga ekta part karney arrest kurishey, kuntu 2021 dey shuru huishey, ekta pieces – ekta sona laga belt rams laga matha logot – Madrid dey ekta private sale dey pikai dia piche dey.
Add Comment