Europe, 16 October : Spain para taikhan laga jagah luishey Euro 2024 dey Sunday dey 1-0 jeet paa piche dey Norway khilaf, aro Scotland ke Group A para agey lui jaishey kitia Turkey toh qualifiers laga uthi thakia ranks dey ghusiehy. Barcelona midfielder Gavi para second half dey Khali goal toh score kurishey Oslo dey, shot ekta corner dey halina Spain qualify ke ahaa saal laga finals karney motut kurishey Germany dey tuita khel spare kuriboley thakina. “Muikhan bishi khushi asey kiley kuiley itu team toh bishi dangor huishey aro bhaal future aset,” kuishey Spain coach Luis de la Fuente. “Muikhan itu pal dey ahiwoley kaam kurishey.”
“Kitia muikhan last time play-offs karoney qualify huishey, muikhan nijor ke target panaishey ahia time automatically kuriboley– toh itu toh agey mission accomplished huishey,” kuishey Scotland captain Andy Robertson.
Norway toh dangor competition karoney Euro 2000 para luina qualify huanai, huilewi ekta team kutey Erling Haaland aro Martin Odegaard feature kuria para itia tak bisas rakhi asey play-offs tak jawoley.
Turkey para ekta momentous haafta luishey kutey taikhan ke Euro 2032 laga co-host kuina announce kurishey Italy logot, khotom hua minutes homoi Latvia ke 4-0 haraishey aro finals dey taikhan laga jagah luishey.
Add Comment