Spain, 12 July : Lamine Yamal para Spain karney ekta historic goal score kuria piche dey duniya dey headlines hit kurishey. Kitia La Roja toh Euro Cup 2024 semifinal dey France laga khilaf 1-0 trail kuri thakishey,
Yamal para top corner pitor dey box para ekta remarkable goal score kurishey. 16 saal aro 362 din umaar dey, tournament laga history dey score kuria sobse jawaan khiladi huishey.
Itia Spain para final dey England khilaf samna kuriboley agey sai asey, itu “wonderkid” toh focus dey thakibo. Kitia tai laga jawaan umaar para tai ke limelight dey anishey, itu toh Spain karney jinta laga ekta cause asey.
Itu final toh Olympiastadion Berlin, Germany dey thakibo. Since German laws ke follow kurino, Lamine Yamal, itu laws hisab dey, Extra Time nahuiley penalties dey part luwoley naparibo, juti khel itu stage pahunjishey kuiley. German labour laws para minors ke 8 PM piche dey kaam kuriboley prohibit kurey, athletes karney 11
PM laga deadline.
Itu laws karoney, Spain para Yamal ke group-stage dey substitute kuriboley lagishey, Croatia, Italy aro Albania laga khilaf 86th, 71st aro 19th minutes laga matches dey. Juti Yamal toh 11 PM piche dey khilishey kuiley, Spanish Football Association ke €30,000 (₹27 lakh) fine kuribo.
Add Comment