Madrid, February 19, 2026: Spanish Police khan para Wednesday te kois he ki, tai khan para 20 sal mota ke dure she, kun hotel laga book kurea website hack kure she, aro beshe dam room khan 1 cent te para book kure she.
Hacker toh teara laga system toh olop change kure she, aro booking toh hoi she kure kena olai she. Aro tai khali 1 cent taerai she, room laga dam hosa toh $ 1,200 thake she ekta rati karne. Police khan tai ke durea homoi, tai toh Madrid laga dam ekta hotel te buhe thake she, charta rati laga booking te, kunto sob melai she koile toh 4,000 euros te ahea ase. Authorities khan para koi she hotel khan 20,000 euros neshe na loss hoi she.
Online booking website khan te report pai she ki, etu moina laga shuru te kiwa toh thik thake nai, etu karne police khan investiagtion khan shuru kure she, aro etu muta ke dure bole pare she.
Add Comment