Spain, 3 January : Spanish World Cup-winning star Jenni Hermoso para ekta judge ke Tuesday dey kuishey ki taike disgraced former Spanish football chief Luis Rubiales para joborjost kiss kuria toh eku point dey consensual thakianai aro ki tai pressure andar dey ahishey tai laga actions ke defend kuriboley. Madrid dey Audiencia Nacional dey ahina 10:00 am (0900 GMT) laga agey dey, itu 33-saal toh Judge Francisco de Jorge laga agey dey testify kuriboley jaishey, kun Rubiales ke sawaal kuri asey sexual assault aro coercion karney. “Itia sob toh justice system laga haat dey asey aro mui itu hi kuwo paribo,” tai reporters ke kuishey olob gandha piche dey court charina jai thakia homoi.
Ekta judicial source para AFP ke kuishey ki tai para public prosecutor laga office dey kuishey ki itu kiss toh pura puri unexpected thakishey aro eku point dey consensual thakianai”.
August 20 dey hua laga ghatna homoi, jaa par Spain laga RFEF football federation para tai laga matha tuita haat dey dhurishey aro muk dey joborjost kiss kurishey Spain para World Cup jitia piche dey Australia dey.
Tai kuishey ki itu viabhar toh ekta consensual peck thakishey huilewi Hermoso para kuishey eku inika thakianai.
Tai para ekta lawsuit filw kurishey tai laga khilaf September dey aro judge ke kuishey ki tai Rubiales ke defend kuriboley pressure andar dey ahishey, Australia aro ekta subsequent team holiday Ibiza, Balearic Islands tuita para wapis ahia time dey.
Spanish law laga andar dey, ekta non-consensual kiss ke sexual assault kuwo paribo — ekta criminal category kutey sexual violence laga sob type milaina asey.
Inika kiss laga penalties toh ekta fine para four saal tak prison dey, range kuribo parey.
Itu 46-saal Rubiales, kun ekta subject asey restraining order dey, taike ban kurishey Hermoso laga osor 200 metres (yards) nahiwoley, taike “coercion” karney aarop kurishey taike tai laga actions justify kuriboley pressure kuria karoney, kuntu pura duniya dey live broadcast kurishey.
Itu kiss para pura jagah dey gussa failaishey aro world football governing body FIFA para tai laga suspension kuri dishey.
Rubiales toh September 15 dey court dey ahishey.
October dey, itu para alag three jun ke sawaal kurishey, allegations upar dey ki taikhan para bhi Hermoso ke pressure kurishey — former mahila laga coach Jorge Vilda, mota laga team director Albert Luque aro RFEF marketing boss Ruben Rivera.
Alag bishi witnesses para court dey testify kurishey Hermoso pressure samna kuria dey, itu maju dey tui-par Ballon d’Or winner Alexia Putellas aro tuita alag Spanish teammates bhi thakishey.
Add Comment