SpiceJet para aha moina Boeing MAX Service soruh

Bengaluru: Thursday din India’s SpiceJet Ltd para koishe ke, Boeing Co’s grounded 737 MAX jets toh September moina te lessor Avolon logot aircraft leases korikena perabo soruh hoboli koishe. 175 countries neshina para 737 MAX laga service toh manishe. Tui(2) saal neshina safety ban hoikena 30 airlines ban thaka toh manishe, etu oper te 30 airlines para tai khan laga MAX aircraft services soruh korishe. India te MAX aircraft services soruh howa toh regulatory approvals deya nemite ase koikena SpiceJet para janaishe. Country laga safety regulator Directorate General of Civil Aviation para Reuters request kora toh joldi jawab deya nai. Avolon para sawal kora toh jawab deya nai. SpiceJet para etu moina olop din akhe te koishe ke, MAX aircraft lessors logot kotha koikena itya laga lease toh bonabo, hoilebi etu oper te dosura khobor toh janai deya nai. Travel restrictions kula samai vaccinations besi jai ase, traffic and SpiceJet’s settlement te konuba kotha thakina MAX aircraft soruh hoikena kam te wabas ahibo, koikena Likhita Chepa, senior research analyst at CapitalVia Global Research para khobor toh janaishe. “hoilebi, higher ATF (Air Turbine Fuel) prices toh besi othishe aro perabo,”koikena Chepa para aro janaishe. 13 737 MAX planes grounded, SpiceJet toh India laga 2bd tangor airline ase aro market share te kali ekta aircraft perabo aro koishe ke, Boeing logot costs aro losses hoikena thaka toh compensation mangkibo koishe. Boeing toh global regulators logot safely return nemite kam korikena 737-8 aro 737-9 service ase, koikena U.S. planemaker para Reuters  logot statement te janaishe aro compensation nemite eku kotha janai deya nai. Etu ban howa toh 5 moina pithor te tuita(2) crash te 346 manuh morishe aro Boeing toh financial crisis hoishe aro etu oper te bemari samai besi loss hoishe. Etu saal pithor te SpiceJet toh 24.4% te kerishe koishe.