Sports Ministry para Indian Athletes karney 40 ACs dispatch kurishey

Paris, 2 August : Paris Olympic Games Village dey Indian athletes khan soaring temperatures ladai kuria homoi desh laga sports ministry para 40 portable air conditioners dishey taikhan ke comfortable kuriboley. Indian Olympic Association aro French Embassy logot yatey khota kua piche dey Games village dey itu air-conditioners pathaishey, ministry laga sources hisab dey. Paris aro Chateauroux tuita dey bhi temperature uthishey, itu Olympic Games laga tuita main venues. Mota laga 50m rifle 3-positions event dey, sob eight finalists, India laga bronze-winner Swapnil Kusale milaina, Chateauroux shooting range dey sweat kuri thakia dikhi paishey. Kunwa reports asey ki aji Paris dey temperatures toh unbearable 40 degrees Celsius pahunji asey. Games shuru nahua agey para hi, several contingents para Paris dey mausam laga jinta janai dishey organisers para koa piche dey ki taikhan para itu event laga carbon footprint katiboley air conditioning bondh kuribo. Reports para suggest kurishey ki alag desh khan bhi portable ACs kiniboley shuru huishey itu heat ke combat kuriboley. India itia bandwagon join kurishey.