England, 4 Decmber : Pep Guardiola laga Mancity Half time Tak 2-1 lead kuri thakishey huilewi Lo Celso laga shandar goal bara Tottenham ke 2-2 equalise kuri dishey. Etu match toh Spurs captain HM Son bara early lead 0-1 Spurs ke dishey jintu aro tai laga own goal bara score level hui jaishey. Phil Foden bara half time nahoa agey tey City ke 2-1 lead dishey. Halftime biche tey substitute Jack Grealish bara 81st minute tey Lo Celso laga equaliser beat kuri dishey aro City ke 3-2 lead dishey. Match 90 minutes huwo time tey Kulusevski laga goal bara spurs ke 3-3 level tey ani dishey. Etu 6 goal thriller match toh controversy tey Khotom huishey jintu Referee bara Haaland laga khilaf foul hua laga play on kuriwo dishey jintu Karan Jack Grealish opportunity on goal paishey huilewi Referee bara aro wapas foul toh dishey aro play Rukhai dishey. Aston Villa laga Premier League run toh etya b jari asey aro ja Kali Bournemouth laga khilaf 90 minutes goal Gusai kina dramatic 2-2 draw huishey. Chelsea aro Brighton laga khilaf match toh 3-2 scoreline thakishey jintu Chelsea bara Red card Ekta khai kina bi Brighton ke harai dishey. Liverpool aro Fulham laga match toh dramatic 4-3 Khotom huishey. Trent Alexander Arnold laga Shandar free kick aro 4th goal winner bara Liverpool ke League table tey top 2 tey ani dishey.
Sunday laga game biche tey Premier League table leader toh Arsenal asey aro Liverpool 2nd tey ahe aro third toh ja saal laga champion Manchester City asey.
Add Comment