New Delhi, August 01 : Netflix para Thursday din te announce kurisey ki Superhit Korean survival drama series Squid Game tu December 26 te second season logotey wapas ahi asey. Netflix para etu bi reveal kurisey ki Hwang Dong-hyuk para direct kora etu duniyabhor te mashoor huwa series laga third aro final season tu 2025 te olabole asey. Hwang para etu drama laga first season ke bi direct kurisey, likhisey aro executive produce kurisiley. Aro etu tu September 2021 te release hoisiley. Aro release huwa picheyte etu drama tu bisi hit hoisey.
Korean star Lee Jung-jae, kun para Song Gi-hun (player no. 456) laga role kurisiley aro Lee Byung-hun kun para The Frontman laga ekta rehesiya character laga role kurisiley taikhan duijun tu taikhan laga kirdar wapas nibhabole asey. Wi ha-jun aro Gong Yoo bi wapas ahibole asey. Netflix para koisey ki etu announcement tu medal nimitey nohoi hoilebi jaan bachabole nimitey asey koikina ekta track race laga exciting teaser logotey ahisey.
Enaka likhikina thakisey, “Besabri para intazar kuri thaka second season tu 3 saal picheyte release hobole asey. Squid Game, ekta contest kotey 456 players asey, sob bi poisa udhar luwa laga bojh bukhikina thakisey. Aro taikhan sob ke 45.6 billion won(Korean poisa) laga inaam jitibole laga ekta chance nimitey baccha laga jaanleva game khilibole anisey.”
Squid Game laga part 1 te, Park Hae-soo, Wi Ha-joon, HoYeon Jung, O Yeong-su, Heo Sung-tae, Kim Joo-ryong aro Indian actor Anupam Tripathi bi thakisey.
Add Comment