Mumbai, January 31: Squid Game tu taikhan laga besabri para intazar thaka third aro final season release kuribole asey, etu tu sobsey first June 27 te dikhabole asey. Etu announcement tu Netflix laga Head of Content Bela Bajaria para ekta event te kurisiley. Etu announcement logotey etu film laga first picture khan aro etu series laga bachikina thaka players khan laga future laga bari te hints bi disey.
Season 3 tu thik tatey para suru hoi kotey second season khotom hoisey, kotey Gi-hun (Lee jung-jae) laga moral turmoil ke gehrayi para dikhaisey. Tai bisi parishani logotey juji thaka homoitey, Front Man (Lee Byung-hun) para next kara kadam uthabole sajish kuri asey, kuntu para dusra contestant khan ke aro bisi mushkil aro darawana halat te rakhidisey. Etu khatarnak game laga nutun-nutun round logotey, faisla tu aro bisi bhari hoijai thakibo. Aro stake(dao) tu enaka baribo ki etu film sa manu khan nijor laga seat logotey chipkikina thakibo.
Squid Game Season 2 tu first release huwa homoitey 68 million views paikina record bhangaikina bisi dangor success huwa picheyte aro Netflix te manu khan para third sobsey bisi sa season huwa picheyte, etu show tu etya ekta romanchak tarika para khotom kuribole tayar kuriasey. Etu bar next season nimitey intazar kora tu olop khata hobole asey. Kilemaney Season 2 aro 3 duita bi back-to-back shooting kurithakisey.
Squid Game Season 3 laga nutun release huwa launch poster para ki ahibole asey etu laga ekta romanchak first jhalak disey.
Squid Game Season 3 para etu series te ekta grand finale dibole asey. Final game tu tayar asey aro etu June 27 para Netflix te dikha suru hobole olop homoi hey baki asey.
Add Comment