SRH para 286 runs score kurikena IPL history te second highest total record kurishe

NEW DELHI: Sunrisers Hyderabad(SRH) para  IPL 2025 te ekta bishi dangor power dekhaise, Sunday te Rajasthan Royals laga against te 286/6 score kurikena. Itu IPL history te second-highest total ase, aru SRH  nijor laga second-best score bhi ase. Itu dhamakedar performance tu juwa bar laga IPL season te Royal Challengers Bengaluru(RCB) laga against te record-breaking 287/3 score kora  picheyte ahi asey. Opening te, Abhishek Sharma para olop bi homoi nefelaikina suru para speed uthaishe, 11 balls te 24 runs mari kena. Travis Head bhi dangor batting kurikena 31 balls te 67 runs marishe, juntu te 9 fours aru 3 sixes asey. Hoilebi asli dhamaka to Ishan Kishan para anisey, kun para Rajiv Gandhi International Stadium laga mohol bhal kuridisey. Tai para 47 balls te 106 not out score kurikina 11 fours aru 6 sixes marishe, aru tailaga strike rate ekdum jaw-dropping(impress kuridiya laga) 225.53 thakisey. Nitish Kumar Reddy (15 balls te 30 runs) aru Heinrich Klaasen (14 balls te 34 runs) laga support para SRH tu ekbar bhi taikhan laga momentum(speed) haranai. Last overs te wickets gira laga bawajut bi, scoreboard te score uthithaka tu rukhanai. SRH para etu powerplay te 94 runs score kurishe aru taikhan nijor laga IPL history laga highest total para khali ekta run hey nupungchikina thakisey. Rajasthan Royals laga bowlers para eku jawab panai. Jofra Archer tu bishi mara khaishe, tailaga 4 overs te 76 runs disey – juntu itu match laga sobsey expensive spell ase. Tushar Deshpande ekla bowler asey kun olop bishi mara nakhaikina bachishe, tai para 3 wickets loikena 44 runs disey. Etutu IPL laga last duta season te, SRH laga fourth time ase kuntu te 260+ runs score kurishe. Etu para dekhai ase ki SRH tu ekta sobsey khatarnak batting team hoikina asey. IPL te highest team total – 1. 287/3 – SRH vs RCB, Bengaluru, 2024. 2. 286/6 – SRH vs RR, Hyderabad, aji(2025). 3. 277/3 – SRH vs MI, Hyderabad, 2024. 4. 272/7 – KKR vs DC, Visakhapatnam, 2024. 5. 266/7 – SRH vs DC, Delhi, 2024. 6. 263/5 – RCB vs PWI, Bengaluru, 2013. 287 runs nimitey kheda tu almost notun territory asey, hoilebi RR ke pura power te khelibole lagibo. Etu match te fast outfield asey aru team laga batting bhi strong asey, taikhan(SRH) para Rajasthan Royals ke risky shots marikena try kuribole lagibo.