COLOMBO: Police khan koishe Easter Sunday laga blasts connection te tai khan para 106 jun thurishe etu te ek jun toh Tamil medium teacher aro ek ta toh school principal thakishe .
Etu hadsaa huwa ek haafta pichede April 21 te milaikena tinta churches aro tinta luxury hotels te bomb phatishe.Etu te 253 jun murishe aro 500 nishena jhokom paikena thakishe .Etu hamlaa kura National Thowheeth Jamaath (NTJ), laga members khan ke bisari ase .
Criminal Investigations Department (CID) khan para chan bin kurikena etu 106 jun suspect khan ke bisari ase .
Etu thura manu khan te ekta toh 40-year-old Tamil medium school teacher kun laga haath te 50 SIM cards aro dusra saaman khan thakishe tai ke thurishe .
Tai ke thura toh Kalpitiya Police aro navy khan para search operation khan kurikena paa ase .Vavuniya town, te Sri Lanka Army aro police khan para joint operation kura te 10 suspect thurishe .
9ta suicide bombers khan alag alag blasts kurikena tinta church aro tinta luxury hotel te blast kurikena Easter Sunday din te 253 manu murai dishe.
ISIS khan para etu hamlaa toh tai khan kurishe koikena janaishe hoilebi government khan para local Islamist extremist group NTJ khan ke bodnam kurishe etu hamlaa kura karne.
Friday din te President Maithripala Sirisena koishe ki komti hoilebi 130 manu nishena terror group para etu desh te operate kuri thakishe .
Prime Minister Ranil Wickremesinghe koishe Sri Lanka khan nutun kanoon lageh enika chamela khan te tackle kuribole nimete .
Add Comment