Colombo, 28 October: Sri Lanka laga president’s pora Ranil Wickremesinghe logode achanak deh Prime Minister seat hataideya karni tai khan laga constitutional deh besi chamala olaise. Etu opor deh Sunday din bondukh be mari kena besi dangor chamala hoise. Etu time deh ek-jun manu goli pora mora thakise aro tusara tuita jokhom powah thakise. Police khan pora kowah hesab deh, Sri Lankan cabinet minister laga bodyguards Wickremesinghe logode link thaga pora bondukh toh government ministry laga pethor deh mara thakise. Ministers office deh manu khan besi jama howah toh President Maithripala Sirisena logode kelaaf kori kena jama howah laga ase. Hamla howah time deh tin-jun manu jokhom powah thakise. Hoilebe olob time bechide 34-sal moda toh morija thakise. Aro etu chamala howah toh Friday din Sirisena pora Wickremesinghe logode hataide kena purana president ke Prime Minister nemide annideya bechide agae wala hoi ase. Prime minister official pora Wickremesinghe toh hatjabole mananai aro tai logode 1,000 supporters khan thaki kena pahar deh rallied kora thakise. Sirisena pora parliament toh tin-hapta naponji kena bondh kora thakise. Kelay koile tai pora Mahinda Rajapakse logode PM nemide juna deh eku chamala na-olabo karni.
Sri Lanka deh PM putli howah pora dangor chamala hoise
Add Comment