Sri Lanka laga Political thek thakibole biswas: China

Beijing, 14 November: Sri Lanka deh besi invest kori kena thaga China toh Sri Lanka laga political thek thakibole biswas kori ase.  Sri Lanka laga situation kenaga ase koikena question hotha time deh Chinese foreign ministry spokesperson Hua Chunying pora phal hoi ase kowah thakise. Tai pora kowah toh, ami khan Sri Lanka thek pora thakibole biswas kori ase aro ami khan biswas kora toh parties khan situation deh buchi paikena kum korijabole biswas kori ase. China khan Sri Lank logode $8 billion pora be besi invest kori kena ase. Mr Rajapaksa laga tenure time debe China pora Hambantota port aro Colombo port project debe invest kora thakise.