Mumbai, 21 October : ICC Women’s ODI Cricket World Cup te, Sri Lanka Bangladesh ke 7 run te haraise Dr DY Patil Sports Academy, Navi Mumbai te, kaali rati. Toss jiti loina Sri Lanka batting shuru korise aru 48.4 over te pura team 202 run te all out hoise, Hasini Perera laga 85 run laga madot te. Bangladesh laga paikhya te, Shorna Akter tinta wicket loi loise.
Reply te, Bangladesh bhal position te thakise 176 for 4, 45.1 over te, kintu bachi
jaise 195 for 9, full 50 over te — aru target ke pura kuribo parianai. Last over te Bangladesh jitibole 9 run dorkar thakise, kintu agey 4 ball te 4 wicket jaisey, junte Sri Lanka laga captain Chamari Athapaththu tin ta wicket loi ekta dangor jeet confirm korise.
Bangladesh laga side te, captain Nigar Sultana 77 run marise aru Sharmin Akhter 64 run te not out thakise. Sri Lanka laga captain Athapaththu 4 wicket loi loise.
Itu laga result te Sri Lanka laga semi-final hope bachi ase, kintu Bangladesh laga campaign 5th haar pichete khotom hoise.
Add Comment