Sri Lanka Parliament deh kathara chamala

Agencies, 15 November: Thursday din Sri Lanka’s Parliament jaga deh opponent lawmakers pora ektum dangor chamala olaise. Etu din deh Mahinda Rajapaksa pora kowah toh, speaker pora tai logode office pora olaideya toh eku authority nai.  Chamber deh chamala ola toh Rajapaksa’s government logode kelaaf kori kena no-confidence passed kora bechide ase. Speaker Karu Jayasuriya pora desh deh eku government nai aro Rajapaksa nahoile tai laga opponent hobi, kun be prime minister nai koise. Etu chamala toh president pora October last direk phali hataideya karni ase koise. Rajapaksa namanee kena kowah toh, vote korise koile phal thakise. Voice vote pora passed keri kena hataideya toh nakoribo lagi koise. Tai aro kowah toh, Jayasuriya pora prime minister aro Cabinet members junibo eku power nai koise. Rajapaksa toh tai laga United National Party logode thek nakora karni speaker logode bothnaam korise.  Chamala thaga phal hoijabo karni Rajapaksa pora aro election loile phal hobo koise. 225-member house deh 50 lawmakers pora be besi laga-lagi howah thakise aro kunbah manu floor deh keri kena thaga khan ke opponent pora kick kora thakise. Rajapaksa laga kumbah supporter pora speaker logode water bottles, books aro garbage phela thakise. Etu time deh Rajapaksa laga opponent pora Jayasuriya logode round korikena bacha (protect) thakise. Jayasuriya pora house suspend nakora tak laga-lagi toh adha khonda pora be besi hoi thakise.