Sri Lanka Police para chartha ISIS suspects laka handler keh arrest kuri di shae

June 2, 2024: Gujarat laka Ahmedabad airport deh chartha ISIS suspects kan keh duri  shae, taikan tho Sri Lanka para taki shae. Etu hui nah olop din hua piche deh etu suspects laka handler keh arrest kuri di shae kui shae police para. Accused tho 46 sal laka Pushparaja Osman ase. Taike, Sri Lanka laka Criminal Investigation Department (CID) para arrest kuri di shae Friday din deh. Mukan information ase, tai Ahmedabad deh arrest hua charjun lokot deh contact kuri shae kui nah. Mukan agae deh $2 million laka cash rewar announce kuri shae, taila credible information deh/ Mukan taila against ekta ‘wanted’ notice b issue kuri shae,” police spokesman Nihal thalduwa para ekta press conference deh kui shae. “utu charjun tho ISIS lokot deh linked ase nah nai, etu tho itia b verify kuri bole baji nah ase,” spokesperson para kui shae. Tai para group tho Sri Lanka deh ISIS ideology promote kuri bole koshish kuri shae nah nai, etu investigators kan probe kuri ase kui shae.