Sri Lanka Star ke sawaal uthaishey Virat Kohli laga 49th ODI Ton dey.

India, 6 November : Virat Kohli ekta khaas milestone pahunjishey Eden Gardens dey Sunday dey. Itu toh son Virat Kohli fan para bishi rukhi thakia laga ekta asey, ekta kutey Virat Kohli ke Sachin Tendulkar laga 49 ODI tons laga world record feat logot eki nishina dikhia. Virat Kohli toh 277 innings dey itu mark pahunjishey. Itu ton logot, Virat Kohli para tai laga fans laga bhuuk mitai dishey ekta 50th ODI ton laga. Indian cricket team para hope kurishey itu feat ODI World Cup dey ahibo.

Kohli ke bishi former khiladi khan para congratulate kurishey tai laga astounding feat piche dey. Kuilewi, ekta ajeeb reaction dikhaishey Sri Lanka star Kusal Mendis para. Tai para ekta press conference adress kurishey Sunday dey, tai laga team laga Cricket World Cup match agey dey Bangladesh khilaf Delihi dey Monday, kitia ekta reporter para hudishey juti tai Kohli ke tai laga 49th ODI ton dey congratulate kuribo muun jawo na nai.

‘Mui taike kiley congratulate kuribo?’ Mendis jawaab dishey aro haansia shuru huishey. Itu jawaab laga video toh social media dey viral jaishey.

Master Blaster Sachin Tendulkar laga record logot eki kurina bishi wala centuries number karney 50-over cricket dey, batting maestro Virat Kohli para Sri Lanka laga Kumar Sangakkara ke haraishey third-highest run-scorer huwoley sob time laga ODI World Cup history dey.

Kohli para tai laga cricketing records dey haalishey juli thakia World Cup clash dey South Africa logot iconic Eden Gardens dey.

Tai laga bat pura innings dey dhurina, Kohli para ekta perfectly weighted aro paced 101 off 121 balls score kurishey 10 fours aro 83.47 laga strike rate logot.

Virat laga record-equalling ton toh eki ground dey ahishey kutey tai first-ever international ton score kurishey Sri Lanka laga khilaf 2009 dey.

Itu star batter itia second-highest centuries number asey international cricket dey,  Sachin Tendulkar laga 100 centuries laga next dey.

Tai batters laga ekta elite company bhi join kurishey kun ekta century score kurishey taikhan laga birthdays dey. Itu khiladi khan Sachin, Vinod Kambli, Sanath Jayasuriya, Ross Taylor, Tom Latham, aro Mitchell Marsh milaina asey.