COLOMBO: Sri Lankan foreign ministry hesab te Easter Sunday te huwa dangor hamla te mura Indian manu khan laga ginati toh aro uthishe. Thursday laga khobor hesab te murija Indians khan laga ginati toh etiya 11 hoishe. Ekta manu toh jokom ekdam bishi hoi kena thaka nimite muri jaishe. Etu hamla te total murija foreigners khan toh 36 hoishe.
Sri Lankan Foreign Ministry tai khan laga statement te koishe ke etiya laga notun khobor hesab te murija foreigners khan toh 36 hoi jaishe.
Statement hesab te murija manu khan te Bangladesh para ekta manu thakishe, China para duita, India para 11, Denmark para teenta, Japan para ekta, Netherlands para ekta, Portugal para ekta, Saudi Arabia para duita, Spain para ekta, Turkey para duita, UK para choita, USA para ekta, US aro UK nationalities para duita, aro Australian aro Sri Lankan nationalities thaka duita manu murishe.
Ministry aro koishe ke etiya 14 foreign desh te thaka manu khan ke etu laga ginati te mila nai. Tai khan koishe ke etu hubole pare ke etu manu khan toh Colombo Judicial Medical Officer laga mortuary te unidentify lash khan te thakibole pare.
Add Comment