Agencies, 04 April: Sri Lanka toh aji kali economic dekthari para lok pai ase aro etu samai desh laga Cabinet of Ministers toh Sunday rati joldi para resign korise. Hoilebe besi kotha phela thakise koilebe PM Mahinda Rajapaksa toh thaki thakibo kelay koile tai laga resignation nadiya nemite. Sunday rati para kotha phela te Rajapaksa para interim government nemite junibo pari thakise, economic dekthari te sabole nemite.
Reporters ke Education Minister and Leader of the House, Dinesh Gunawardena para Cabinet Ministers para tai khan laga resignations toh Prime Minister Mahinda Rajapaksa ke deshe koise. Tai para mass resignation nemite karan offer kora nai koise.
Desh te ekta social media blackout, ekta curfew aro national emergeny declared para lok pai ase aro etu toh PM Rajpaksa para Friday (March 31) te janai deya thakise. Etu agae din te President Gotabaya Rajapaksa laga residence te gusha howa manu khan para surround kori deya bechite emergency janai deya thakise.
Political experts para resign howa ministers toh public para besi pressure nemite hobo koise kelay koile economic dekthari te government para thek sabole napara aro foreign exchange reserve te kami nemite dekthari powa para.
Add Comment