SRINAGAR: Police sources koishe Saturday Jammu and Kashmir laga Khonmoh jaga te Jaish-e-Muhammad (JeM) group laga duita attankwadi ke murai dishe. Etu toh security forces aro attankwadi khan majote larai huwa samay te hoishe. Khonmoh jaga toh Srinagar district laga outskirts te ase. Encounter te police laga teenta manu jokom hoishe. Attankwadi khan toh Srinagar laga Republic Day laga jashan (celebrations) toh biya kuribole plan kuri thakishe.
Sources koishe duita AK-47 rifles aro bishi guli attankwadi khan logote para paishe. Etu area khan te etiya bhi search operation chuli ase koishe.
Jag ate attankwadi khan lokai kena ase laga intelligence khobor pa pichete Rashtriya Rifles personnel, Jammu and Kashmir police laga Special Operations Group (SOG) aro Central Reserve Police Force (CRPF) para Khonmoh area toh surround kuri loishe.
Senior Police Officer koishe police para sob jaga para tai khan ke surround kuri diya nimite attankwadi khan para tai khan opor te hamla kuri dishe. Etu para encounter suru hoishe.
Republic Day te alak alak official program khan hubole thak nimite Srinagar te security toh bishi tight kuri dishe.
Aro dusura ghatna te Pulwama CRPF camp te attankwadi khan para grenade phutaishe. Hoile bhi etu ghatna para manu murqa laga eku khobor pa nai.
Olop samay agote attankwadi khan para Anantnag bus stand osor te attankwadi khan para hamla kuri dishe. Etu hamla te ekta police personnel olop jokom hoishe.
Add Comment