Srinagar te Union Agriculture Minister para farmers logot kotha koishe

Jammu: Jammu & Kashmir te Centre’s outreach programme te, Union Agriculture Minister Narendra Singh Tomar aro tai laga tuita(2) deputies Kailash Choudhary aro Shobha Karandlaje para Thursday din the Union Territory visit kora samai farmers, agriculture scientists aro dosura stakeholders logot alag-alag welfare measures aro policies nemite kotha korishe. Reporters logot kotha kora samai, Mr Tomar para koishe, “ami khan jaikena Indian Council of Agricultural Research (ICAR) institute visit korikena alag-alag programs te be samil korishe. Horticulture sector para valley te besi bhal othikena jai ase, keli koile etu toh horticulture department para bhal kam kora nemite ase”. Agricultural minister para aro janaishe ke, “duniyaa pura te ami khan agricultural te sobse top te jai ase. Centre para fesla korishe ke, ami khan laga policies toh farmers laga income te mon thibo, etu nemite, Prime Minister Modi para koishe ke, centre aro states para farmers logot melikena kam korikena tai khan laga income toh 2022 saal para toh double hobo. Mr Tomar para farmers, apple growers aro  Center of Excellence at Zawoora Srinagar te horticulturists logot kotha kora samai koishe ke, etu jaga toh desh nemite besi important kam ase aro ek jun-ek jun ke motob korikena desh te progress aro development nemite kam koriboli janaishe. Jammu & Kashmir laga  administration aro Lieutenant Governor, Manoj Sinha logot kushi powa janai deya te Minister para koishe ke, desh te konuba kam dukh thakai nemite development dukh ase, hoilebi PM Modi laga motob para J-K toh besi bhal othi ase aro desh nemite besi tangor kam kori ase. Mr Tomar para Kashmir laga farmers aro growers logot janaishe ke, Central Government toh ahiboli din nemite respect kori ase aro J&K laga farmers khan ke  hi-density infrastructure toh Agri-Infrastructure funds para motob thiboli janaishe. Ministers para aro ICAR-Central Institute of Temperate Horticulture (CITH), Old Air Field, Rangreth toh be visit korishe. Khobor hesab te tinta(3) ministers para detailed session toh mayors aro municipal corporation committees chairmen khan logot meeting thakiboli janaishe.