KOHIMA, OCTOBER 12 : State Specific Action Plan (SSAP) karne Inception Workshop din manaise. Etubi National Water Mission, Nagaland laga naam pora. Aro etu din mana toh Secretariat Conference Hall, Kohima, 12th October 2018 te manaise koise.
Etu din te Welcome Address toh Chief Secretary, Nagaland, Binchilo Thong, IAS pora kuridese. Etu ke kotha kurikena tai etu Workshop din laga asul babuna toh ami kan state laga pani nemite bhal te anedebole karne kam julabole nemite ase. Aro tai bi aji-kali etu pani toh ami kan sob nemite ekta bhal laga ase. Aro etu pani nemite bi Water Resources laga Ministry pora National Water Mission koi kena ulaidese. Aro etu ula laga asul babuna toh pani pachabole, pani eman nabhelabole aro pani toh ami sob state jaka te eke nesena batabole karne ase koi kena janaise.
Etu kan hisabte tai bi etu SSAP toh etu Worksop din mana pora ahkete ahejabole bari koi kena bisas thaka janaise. Aro etu pora sob manu kan ke motub hobo koi kena janaise.
Etu din te katha kotha (Brief Introduction) kurikena SSAP, SE (WRD) aro Nodal Officer (SSAP), Er. Razouvolie Kelio pora duniya sob te mousom ekdam alak aro nahua huijaa karne etu Mission pora ekta National Action Plan for the Climate Change (NAPCC) koi kena Core Committee ulaise. Aro etu porabi State Specific Action Plan (SSAP) koi kena pani nemite 30 sal hisabte kam julai kena dayar kuribole ase koi kena janaide thakise.
Dr.J. Sesha Sirnivas Senior scientist EPTRI porabi etu din te kotha kurikena pani nemite bhal kotha kan janaise. Etu ke tai pani pachabole, nabhelabole aro sob ke eke nesena debole kotha kan janaide thakise koise.
Add Comment