Sainik School Punglwa laga babuna (Aim) “One Aim, One Goal NDA” hisabte kam julai kena aha pora husa kebi tai kan School Cadet Punyo Rika (Adm No 763) toh 141 NDA Course te ulabole barise (successfully cleared). Etubi UPSC laga hisabte exam mana ke. Etu ke tai Final Merit list, All India NDA Merit list te 102 rank te ahese koise. Etu pora tai edia toh SSP laga Cadet kan majutte NDA te join hobole karne 2nd wala ase koise. Etu karne etu SSP School kan besi khushi bai ase aro tai nesena tusera School Cadets kan bi eneka kam julai kena ahkete ahebole bari koi kena bisas ase aro babuna kuri ase koise. Etu bhal kotha nemite bi Chairman, LBA aro Sob Members kan, aro Gp Capt Sharad R Keskar, SSP laga Principal, Cadets aro Staff kan sob pora tai ke salam diya aro khushi baa janaise. Aro tai NDA, Pune laga nemite Training thakibole karne bi bhal te mana hobole debi koi kena janaise. Etu oporte SSP, Nagaland laga Team kan sob pora bi etu Mr & Mrs Punyo Lasha, Cadet Punyo Rika laga amma-bapa ke tai 2 jun laga moda bacha eneka Exam te ulai kena NDA te join huijabole thaka karne besi khushi baa aro salam diya janaidese koise.
SSC Cadet Punyo Rika NDA te join huise
Add Comment