St Paul’s Cathedral ke £2.1m saman dishe

November 8, 2020. Notun fund ekta te 162 heritage organizations ke £14m award thishe koishe, etu pithor te St Paul’s, Durham Cathedral aro Blenheim Palace be samil ase. Aro 8 chaka aro organization neshina Ronnie Scott’s Jazz Club, Opera North, Leeds te aro The Lowry, Salford logot £18m thishe. Culture secretary logot besas ase ke, Covid bemari thaka samai etu para motob koribo. “etu poisa para besi saal dhuk thakina aha te motob pabo aro ami khan laga town aro cities laga culture toh jenibo,” koikena Oliver Dowden para janaishe. “St Paul’s para loikena Ronnie Scott’s, Lowry aro Durham Cathedra dak te heritage aro culture toh pachabo aro desh laga kenar sob te kam toh aro tangor wala jabo”. Etu poisa para St Paul’s laga ghor bonaboli aro korcha te motob koribo, keli koile etu tourist khan besi aha chaka ase. Durham Cathedral te be hotai saal thousand manuh aha chaka ase, aro etu chaka te Hogwarts, Harry Potter films bonaishe aro £1.93m pabo. Etu samai Blenheim Palace te, Oxfordshire, Sir Winston Churchill jonom kora chaka ase, £1.9m pabo. Fund deya oper te, boila te Shakespeare’s Globe, military laga maiki choir khan aro Cavern Club khan besi tangor motob paishe. Government logot kam kora manu aro arts laga kam kam kora manuh  ke motob thiboli koishe, keli koile England aro Wales te lockdown samai tai khan laga chaka toh bondh hoikena thakishe. Boila te be Dowden para koishe ke, chaka sob te arts laga kam kora manuh khan ke Self-Employment Income Support Scheme toh thiboli parai nai koikena thursday din government para janai thishe. Hoilebi, laab hoboli nemite 80% neshina othai thiboli koishe.