California, 27 October : Hollywood laga veteran actor aru screenwriter Walter Koenig 90 saal age te morise. Tai Star Trek: The Original Series te Ensign Pavel Chekov laga character play kori duniya jura popularity paise. Series tu 1967 pora 1969 saal loi television te show korise. Pichete tai original cast logot Star Trek franchise laga film khan te nijor role repeat korise, aru Star Trek Generations film te appear hoise.
Reports hisab te, Koenig North Hollywood laga nijor ghar te family laga majote peacefully morise. Acting laga logot tai screenwriting korise. 2026 saal te tai Mr. Fleischmann film karone Independent Shorts Awards te Best Actor award paise. Tai laga career television aru film industry te bishi saal dhori cholise, aru science fiction fans khan tai ke Chekov laga role karone mon rakhibo. Tai laga death pichete fans aru entertainment industry te tribute ahibole dhorise.
