Agencies, 05 June: State Bank of India (SBI) para bank laga Basic Savings Bank Deposit (BSBD) customers nemite service charges te putli koribole ase ahibole moina para.
Desh laga sobse dangor lender, SBI para notun charges toh ATM, chequebooks, money transfer aro tusara non-financial transactions te July 1 para suru koribo koise.
Customers para Basic Savings Bank Account toh bank te valid Know Your Customer (KYC) documents dekena khulibole paribo koise.
SBI laga BSBD account te sobse komti balance aro account te poisa rakhibole limit toh nai koise.
SBI ATMs te poisa ola te:
Bank para service charge toh ek moina te jar par para opor ATM nahoile bank branch para withdraws kora te lobo koise.
Notun charges hisab te, ek moina te jar par free withdrawals kothom howa bechite customers para ATM withdrawal te Rs 15 plus GST debo lakibo koise.
Non-SBI bank ATMs nemite be service charge toh Rs 15 plus GST ase koise.
SBI branches te cash withdrawal te:
SBI para fesla korise SBI branch aro ATM te jar par free cash withdrawal bechite charges lobole.
Etu mani, SBI customer khan BSBD account thaka khan Rs 15 plus GST toh ek moina te four free cash withdrawals kothom howa bechite each withdrawal te debo lakibo.
Chequebook charges te:
Charges putli kora hisab te, SBI BSBD account holders ke 10 cheque leaves toh ek sal te free para debo.
Etu bechite, account holders para Rs 40 plus GST toh 10 leaf cheque nemite aro Rs 75 plus GST toh 25 leaf cheque book nemite debo lakibo.
Emergency Cheque Book nemite, SBI para 10 leaves nemite Rs 50 plus GST charge lobo.
Hoilebe SBI para cheque book te notun service charge toh senior citizens ke maaf korise.
‘
Add Comment