State khan three annual instalments te baki dibole ase

GANGTOK | September 13, 2018:Tuesday din  chief minister of Sikkim Pawan Chamling koishe ki 5^th pay commission toh  January 1, 2016, pora chulabole ase .aro arrears khan toh tinta annual instalments pora dibole ase .Etu laga akhe wala installment toh aha moina laga Dasain festival mana time te  olabole ase. Group C aro D employees khan logote kotha kuwa time koishe etia pora hudai second Saturday te   holiday thakibo   government employees khan karne.2004 pora second Saturday toh kaam kura din thakishe .Etu pay panel report dhala pora 80,000 state government employees, permanent aro temporary khan karne laab hobo.Chamling aro koishe ki sorkar khan pora ekta sub committee olabole etu pay panel recommendation khan te okobi galti khan ase na nai etu khan saidibole nimete.Alag categories khan laga employee laga arrears khan toh aha moina te dibole ase etu bi nichete thaka rates te: Group A employees: Rs. 1.05 lakh, Group B: Rs. 95,000, Group C: Rs. 50,000 aro Group D: Rs. 40,000 khan te.Cheif minister pora koishe etia employees khan thik thak pora duty kuribole lageh .Tai pora 24 sal sorkar chula pichede tai employees khan nimete ki kuribole ase sob bhal te kuridibo koikena janaishe .Etu bi Salaries, promotions ,aro dusra khan nimete .tai aro koishe “Etu manu income tax exemption laga bishi laaph paishe etu khan toh tai khan karne bishi advantage ase dusra states khan logote milaile.”