May 11, 2024 : Itu ajikali laga “racist” remark ke condemn kuri kena, Indian Overseas Congress laga chairman – Sam Pitorda para, kun khan toh resign kuria pichetey, itu BJP para toh hoiley ekta protest rally organize kurishey, Marwari Patti laga Millenium Complex osor laga Old Daily Market tey para, Friday tey.
Itu party toh hoiley strong para condemn kurishey, itu “racist intensive remark” laga opor tey, kuntu toh hoiley Pitorda para koishey, ekta interview laga homoi tey – “East tey thaka manu khan toh hoiley Chinese nishina dikhey, west tey thaka khan toh Arab nishina dikhey, North tey thaka khan toh white manu khan dikhey aru south tey thaka khan toh African nishina dikhey”, koishey, tai para.
Placard khan dhuri kena, kuntu khan toh hoiley “Congress= Look East, BJP=Act East, Act Fast, Act First”, “BJP integrates, Congress disintegrates”, aru “Congress-The guardians of divide and rule policy”, etc likhi kena, itu protest rally tey toh hoiley BJP district laga president, membes khan itu youth wing laga, aru paerty karyakarta khan para itu raly tey participate kurishey.
Itu rally ke address kuri kena, BJP laga spokesperson – Mughavi Chishi para koishey, Pitorda laga remark “audaciously racist” thaki kena, aru itu Congress ke criticise kurishey.
Tai para allege kurishey ki, eneka nishina comment khan toh hoiley khali divisive statement khan ke fuel kuria ekla nahoi hoilebi itu toh hoiley osor laga nation khan ke claim kuriboley laga stake toh embody kurey koishey, itu Indian tey thaka laga specific jaga khan.
Add Comment