April 21, 2024 :Nagaland laga first Bioplastic plant, ECO- STARCH’s bioplastic manufacture kuria laga unit toh hoiley itu North East Centre for Technological Application aru Research (NECTAR), Government of India para sponsor kurikena, inaugurate kurishey Saturday tey, Changtongya Yimsen bosti tey, Mokokchung district tey.
Itu inaugural programme tey chief guest hisap tey buhi kena NECTAR laga director general – Dr Arun Kumar Sarma para kotha kurikena koishey, itu unit toh hoiley poila-bioplastic plant asey north- eastern region (NER) tey, India laga. Tai para mention kurishey ki, NECTAR lagaasol focus tohhoiley possibility khan assess kuriboley karney asey, technology khan laga related tey, itu country tey aru keneka para itu toh hoiley bhitor bhitor jaga khan tey loi jaboley paribo, NER tey.
Tai para koishey, itu manu khan ke punchi boley para toh he sob para bishi important aspect asey, NECTAR laga, technology khan shikai di kena, itu available raw material khan chulai kena, itu community teyaru society ke empower kurikena, technology chula boley.
Itu jama hoa manu khan ke highlight kuri kena, itu Prime Minister’s Development Initiative, North Eastern Region (PM-DevINE) nimitey, tai para itu jama kuria manu khan ke samjahaishey, alagalag scheme khan laga, kuntutoh NECTAR para initiate kurishey, itu Northeast teyaruitu youth khan ke urge kurishey, advantage loboley karney itu scheme khan laga.
Add Comment