February 11, 2025, 04:32 PM: Itu “Safer Internet Day” opor tey State-Level Awareness Workshop observe kurishey, itu “Together for a Better Internet” laga global theme under tey, kuntu toh hoiley Information Technology & Communication, Kohima laga Directorate tey para loishey, 11th February, 2025 tey.
Commissioner & Secretary, Information Technology & Communication, Mohammed Ali Shihab, IAS para tai laga speech tey koishey ki, itu initiative awareness, cyber hygiene opor tey koa toh hoiley, correct measure khan loboley karney asey, ekta aru bhi safe para internet chulaboley laga ensure kuriboley aru bachai kena rakhiboley. Tai para point out kurishey ki, moi khan state tey bishi manu khan mobile phone khan tai khan laga aram kuria homoi tey chulai thakey, kiley maney tatey toh limited facility khan hey asey, aru koishey ki, itu toh hoiley moi khan state ke sob para bishi para internet chulawa laga banai di kena asey, alag state khan logotey milai sailey toh, itu country tey.
Itu nimitey, tai para sob participant khan ke itu awareness toh spread kuriboley karney koishey, itu cyber hygiene opor tey, online safety practice khan opor tey aru itu internet chulaboley laga responsibility opor tey, ki ki laga platform khan tey hoilebi, eneka hoiley hey itu public khan ke scammer khan para cheat kuriboley naparibo aru kiba kibi laga problem khan face nakuribo kuntu toh hoiley ekta essential saman hoi kena asey sob manu khan nimitey chulai thakiboley laga eneka thakilebi.
State Informatics Officer, NIC, I. Lanusangkum Aier para tai laga documentary tey tai laga address tey koishey ki, sob manu khan aji kali toh jani kena asey, ki hoi asey itu duniya tey, newspaper khan nahoilebi online para, kiley koiley tatey toh hoiley bishi opportunity khan, option khan aru tarika khan asey itu information paboley karney, agey bari kena jaboley.
Add Comment