November 27, 2024, 05:32 PM : Ekta State Level Control Room set up kurishey, itu Chief Secretary Nagaland laga Office tey, 25th Edition laga Hornbill Festival toh smooth para conduct kuriboley, itu di kena thaka composition logotey: Chief Secretary, Dr J. Alam, IAS tatey Chairman thaki kena aru ACS, Finance Sentiyanger Imchen, IAS tatey Co-Chairman buhi kena. Itu alag member khan tho hoiley Commissioner & Secretary, J&L Kikheto Sema IAS, Home Commissioner Vyasan R IAS, Commissioner & Secretary,, W&H Kesonyu Yhome IAS, SS (Home) Limasunep IPS, Secretary I&C Shanavas IAS, Secretary (TPT) Secy. (Home) Robert Longchari, Orenthung Lotha, Jt. CEO, NSDMA Johny Ruangmei, Joint Director IPR, Asangla Imsong aru Dy. Director, IT Daniel Krocha, tai khan asey. Itu State control room toh hoiley 24×7 function kuriboley asey koishey.
Itu laga first meeting toh hoiley itu Chief Secretary laga chairmanship under tey loishey, 27th November, 2024 tey, Chief Secretary laga Conference Hall tey para, Nagaland Civil Secretariat, Kohima tey, kotey tiu Committee para transportation aru traffic issue khan opor tey kotha kurishey, itu Hornbill Festival laga venue tey, Kisama tey. Itu meeting tey cooperation nimitey bhi matishey sob line department para key aspect khan dhali kena – logistics, security arrangements, cultural performances, vendor managements aru crowd control khan nishina. Itu event toh successful aru enjoyable hoboley karney, sob participant khan aru visitor khan nimitey.
Add Comment