November 18, 2024, 05:47 PM : Itu Janjatiya Gaurav Diwas celebration & IEC campaign laga occasion tey, Dharti Aaba Janjatiya Gram Utkarsh Abhiyannimitey, ituICFAI University para itu state level debate competition organize kurishey, itu NLTP Act 1989 laga topic oportey, 18th November, 2024 tey, ICFAI University campus Chumoukedima tey.
Itu jama kuria manu khan ke address kuri kena, Tribal Affairs Department laga Joint Secretary – Hito Sema para itu Janjatiya Gaurav Diwas celebration aru IEC Campaignlaga objective khan aim khan highlight kurishey.
Toli K Jimo, Tshekukhro-u Akami, Yantsumong J Yimchunger, Pekivi K Kiho, Grace Zhimomi aru Engen mendang Jamir para itu debate tey participate kurishey.
Itu debate laga winner toh hoiley – Patkai Christian College laga Pekivi K Kiho thakishey, kun para toh hoiley itu motion laga against tey kotha kurishey, itu NLTP Act 1989 laga bhabana ke acknowledge kurikena, itu toh noble asey koi kena, hoilebi tai para state kurishey, itu society kuntu tey moi khan aji thaki asey, itu society toh hoiley utu wala nahoi kotey moi khan koboley paribo ki, itu act toh hoiley itu laga purpose toh fullfill kurishey koi kena, moi khan toh hosa ki asey utu confront kuriboley hey lagibo, ki, itu NLTP Act toh hoiley tai laga ki asol objective khan asey utu toh pura kuriboley napara hoi kena asey.
NLTP laga Act para toh hoiley corruption, syndicate supplier, spurred liquor aru adulterated alcohol khoboley encourage kuri asey, kuntu para toh hoiley moi khan manu bishi ke khotom kuridishey. Itu naam – dry state toh hoiley kagos tey likha hey asey asol para toh nahoi, yatey moi khan mudu toh sob jaga tey jailey ene pai jai, government laga office osor khan teybhi pai aru educational institute khan osor tey bhi pai aru student khan bacha khan bhiaram para alcohol khan jai kena kiniboley parey.
Add Comment