February 21, 05:07 PM: Ekta din laga State-Level Training loishey, Dental Surgeon khan nimitey, kun khan toh hoiley itu State tey serve kuri asey, alag alag program khan under tey, National Health Mission (NHM), National Oral health Programme (NOHP), National Urban Health Mission (NUHM), Rashtriya Bal Swasthya Karyakram (RBSK), Non-Communicable Diseases (NCD), National Tuberculosis Elimination Programme (NTEP) aru Quality Assurance under tey, itu training toh hoiley Kohima laga DH&FW laga Conference Hall tey para loishey, Nagaland State Laga, 21st February, 2025 tey. Itu training toh hoiley National Oral Health Programme, Nagaland para organize kurishey, aru itu programme toh hoiley Dr. Reyosalu Lase, Dy. Director & SNO (NOHP) para chair kurishey, kun para tih hoiley itu training participant khan ke bhi welcome kurishey aru itu important objective khan opor tey highlight kurishey.
Dr. Meribeni Odyuo, Director (Dental) DH&FW itu training program ke grace kurishey, tatey Special guest hisap buhi kena. Tai para tai laga speech tey, itu National Oral health Programme (NOHP) laga importance opor tey kotha kurishey, National Health Mission (NHM) under tey, aru keneka itu toh hoiley ekta crucial role play kurey, oral health improve kuriboley, India tey.
Add Comment