May 08, 2024 : Ekta State level laga dui din laga review cum Workshop loishey, Reproductive Maternal Neonate Child Adolescent Health aru Nutrition (RMNCAH+N) opor tey, aru itu toh hoiley 7th may, 2024 tey para shuru hoishey, itu IDSP Hall tey para, Directorate of Health & Family Welfare, Nagalanad laga.
Itu District RCH/ Immunisation Officer khan ke aru itu District Program Manager (NHM) ke welcome kuri kena, Khelito Zhimomi State Program Officer, RMNCAH+N para state kurishey ki, itu review toh hoiley sob toh itu District level problem khan aru kaam khan ke agey loi jaboleu karney asey, ekta best solution opor tey aru itu program kea gey loijaboley. Tai para hope thaka laga express kurishey ki, itu District toh hoiley ekjon ekjon para shikhibo, itu best practices khan.
Dr. Akuo Sorhie, Mission Director, National Health Mission (NHM) para itu district representative khan ke address kuri thaka homoi tey, tatey thaka laga, tai para koishey ki, RMNCAH+N toh hoiley itu National Health Mission aru itu Department laga backbone thaki kena ahishey, itu laga inception hoa time para aru itya tak bhi asey aru itu toh hoiley itu sincerity aru dedication thaka para asey, itu District Program Officer khan aru tai khan laga district Program Management staff khan laga, aru itu asey ki, moi khan laga Performance indicator khan toh hoiley ekta positive upward trend dikhishey, NFHS_4 & 5 (National Family Health survey) tey.
Add Comment