Dimapur, 25 August: North East Region (NER) Directorate NCC para Thal Sanik Camp (TSC) laga inter group competition toh August 16 para 25 direk tak Jorhat deh loise. North East Directorate NCC laga sob eight NCC groups khan competition deh hisha loise.
Kohima Group NCC contingent laga 29 moda aro 19 maike be competition deh hisa loise aro runners up hoise.
1 Nagaland Girls Bn NCC para 24 Nagaland (I) Coy NCC laga Cadet Haicen aro Corporal Puja Devi para firing completion deh gold medal jetishe. Competion time deh moda aro maike cadets para phal performance deshe aro nejor laga instituations deh inaam anise aro Kohima Group NCC laga naam ocha korise.
Competition time deh training nemide state laga 22 cadets ke junise aro NER Directorate NCC team deh hisha loise. Tai khan etu sal September moina New Delhi deh Thal Sanik Camp laga inter directorate competition deh hesha lobole ase.
Add Comment