State Poll Panel Para Gratitude Express Kurishey, ULB Poll Khan Successful Para Complete Kuriboley Para Nimitey

June 30, 2024: State Election Commissioner (SEC) – T. John Longkumer para tai laga gratitude express kurishey, itu manu khan ke, pura election machinery khan ke – security forces khan ke bhi milai kena, tai khan laga dedication aru commitment nimitey, ekta smooth aru shanti para itu Urban Local Bosy (ULB) poll khan conduct kuriboley para nimitey, Nagaland pura tey. Itu media ke address kuri kena, Longkumer para tai laga special congratulation khan extend kurishey, Naga maiki khan ke, highlight kuri kena, ki, 198 maiki khan para nomination nimitey file kurishey, itu toh poila bar election banai kena, maiki khan nimitey reservation logotey. Longkumer para mention kurishey ki, sob toh hoiley thik thak para jaishey, khali ekta polling station toh chari kena, Dimapur tey, Ward 20 chari kena, polling station 4 tey, kotey repoll kuriboley laga hoi jaishey, kuntu toh Saturday tey loishey. Aru bhi ekta Mokokchung laga ghatna tey, kotey itu Congress party para ekta formal complaint lodge kurishey, itu Returning Officer ke aru ekta case toh hoiley register kuri kena asey, itu Nagaland Municipal Act laga relevant section tey. Itu State police nodal officer para data present kuria laga hisap tey, preventive detention 553 manu khan laga toh hoiley itu state pura tey chulai jaishey, 300 toh Dimapur logotey. Police para ekta hatiyar bhi recover kurishey, ekta charidi kena thaka Maruti alto para, Dimapur tey. Itu Gari aru hatiyar duita bhi seize kuri loi kena asey, aru ekta investigation toh hoiley chuli asey.