States aro UTs ke 37.07 Crore Vaccine thikena ase

New Delhi: Tuesday din Ministry of Health and Family Welfare para janaishe ke, itya dak te States aro Union Territories (UTs) logot 37.07 crore COVID-19 vaccine doses thikena ase. “37.07 crore (37,07,23,840) vaccine doses oper toh States aro Union Territories (UTs) ke thikena ase aro aro 23,80,000 doses neshina toh pipeline te ase,” koikena Ministry para khobor  toh janaishe. Etu pithor te sob melaikena jola aro wastages toh 35,40,60,197 doses neshina ase koishe. States, UTs aro private hospitals te COVID vaccine doses 1.66 crore (1,66,63,643) oper balance aro najolaikena toh pachikena ase aro etu jolaboli ase koishe. Universalization COVID-19 vaccination notun phase toh June 21, 2021 darik para soruh hoikena ase. Vaccination drive toh vaccine hath te thaka nemite besi joldi loikena jai ase. States aro UTs te vaccine availability thaka nemite plan toh bhal para loikena vaccine laga supply chain toh bonabo. Nationwide vaccination drive samai, Government of India para States aro UTs logot motob kora te COVID vaccines toh free para thikena jai ase koishe. Universalization of  COVID-19 vaccination drive laga notun phase te, Union Government para supply (free te) 75 percent vaccine tooh desh te vaccine bona company laga hath para loikena State aro UTs logot thiboli ase koikena janaishe.