July 16, 2023: Golden State Warriors laka star para Saturday deh hole-in-one mari shae American Century Championship laka celebrity tournament deh. Curry para etu shot mara piche deh taila fans kan hala kura shuru huishae aro tai etu shot tho 152-yard par 7th hole Edgewood Tahoe deh marishae. Tik etu mara lokot tai taila topi ulai shae aro ekta ungli hawa deh rakhi nah hole laka jaka deh pola shuru huishae.
“Etu tho ekdum wild takishae, contact b bhal aro tik stick deh lakishae hoile b sob bhal para ja nishi nah diki leh b jabo kua tho expect b nakureh etu kan deh tho. Mui tho khali manu kan taikan laka hath uper jura laka dikishae aro ene blank out hoi jaishae nui tho”, Curry para kuishae.
Etu eight point ace para Curry keh lead deh raki bole modot kuri shae modified Stableford event deh, etu point pa karne tai teenta point para Dallas stars forward Joe Pavelski aro Former tennis player Mardy Fish lokot deh agae rakishae. Curry 23rd round piche deh tho 50 points deh takishae aro Fish kuto 2020 laka sal deh jita tho 29 points deh takishae. Pavelski tho aro 24 points deh
Curry etu hole-in-one mara tho taila kela deh 2nd time takishae aro tournament laka history deh tho 5th takishae.
Add Comment