India, 9 October : 199 karney taikhan laga high-profile World Cup opener dey bowled out huina, Steve Smith maanishey ki Australian batters toh Indian spinners laga upar uthiwoley parianai Chepauk surface dey. Ekta asturit move dey, agey bat kuriboley luina, Australia toh 110 dey buhi thakishey tuita karoney, left-arm spinner Ravindra Jadeja (3/38) para middle overs dey tai laga triple blow para haar trigger nakuria agey dey. Total toh bishi komti hui jaishey kitia India six wickets aro nine overs luina ghor jaishey.
“Taikhan laga sob spinners bishi bhaal para bowl kurishey. Hoi, wickets bhi taikhan laga laab dey thakishey,” Smith kuishey.
“Spin laga khilaf toh bishi challenging thakishey kiley kuiley tiakhan sob bishi quality spinners khan asey. Taikhan eki logot bishi bhaal para kaam kurishey, aro taikhan laga upar uthiwoley muikhan dukh paishey.” Jadeja laga alawa, wrist spinner Kuldeep para tuita wickets uthaishey kitia Ravichandran Ashwin karoney ekta wickets thakishey.
“Khel shuru thakishey. Afsos para muikhan itu luwo parianai. Virat aro Rahul bishi bhaal composure para khilishey. Taikhan bishi smart cricket khilishey,” Smith kuishey reporters ke.
“Bishi challenging wicket thakishey, aro olob spin hui thakia laga bhi dikhibo parishey. 200 toh olob par laga andar thakishey. Muikhan 250 tak post kurina thakiley, muikhan bishi muzaa khel ekta khilibo thakishey.
“Shaam dey dew olob ahina bat kuriwoley olob aasan thakishey. Muikhan predict kuribo naparey, huilewi muikhan agey 3 wickets thakishey aro fourth bhi pawoley pari thakishey.” Smith top-scorer thakishey Aussies karoney, ekta 71-ball 46 panaina.
Add Comment