Stree 2 tu etya India te second-highest-kamayi kora Hindi film hoisey, ‘Animal’ ke haraidisey

New Delhi, Septemebr 17 : Rajkummar Rao, Shraddha Kapoor, Aparshakti Khurrana, Abhishek Banerjee aro Pankaj Tripathi laga Stree 2 tu etya India laga second-highest kamai kora Hindi film asey. Film trade analyst Taran Adarsh laga hisap te, Stree 2 laga India laga box office collection tu theatre te release hoikina Monday din te fifth din huwa picheyte etya Rs 583.35 crore hoisey. Etu horror comedy film tu 2018 laga Stree laga second part asey kuntu ke Amar Kaushik para diredct kurisey aro Niren Bhatt para likhisey.  Compare kora te Shah Rukh Khan laga 2023 te release huwa film Jawan tu India te sobsey bisi kamai kora India film thakia sey. 2023 te ola ekta report hisap te, India te etu action film laga lifetime kamayi tu Rs 640.25 crore asey. Jawan, kuntu toh September 7, 2023 te release hoisiley, etu tu Shah Rukh laga utu saal laga second film thakisey. Baki duita tu Pathaan aro Dunki thakisey. Jawan te Nayanthara aro Vijay Sethupathi bi thakisey. Aro Deepika Padukone bi special appearance te thakisey. Stree 2 para etya Ranbir Kapoor laga film Animal laga India te huwa kamai ke paar kurisey. 2024 laga ekta report hisap te, etu film tu December 1, 2024 te release huwa picheyte India te total Rs 553.87 crore kamaisiley.