Stree film pora 32.07 crore kamaishe

Olop akhe te ola film stree pora weekend te record phangaishe .Etu film Friday pora Sunday tak bishi uthikena 32.07 crore kamaishe tin din te . Etu film pora Friday te 6.82 kamaishe aro etu olop uthise weekend te.Saturday te etu film  pora 10.87 crore kamaishe aro Sunday te etu film pora 14.38 crore kamaishe .Etu film bona manu khan bi bishi khushi  paishe etu weekend laga kaamai dikhe kena .Tai khan poisa pheka toh aro wapas kamaishe dusra avenues kubi music digital aro satellite khan pora .Dinesh Vijan bishi khushi paikena koishe “Ami khan etu bishi bhal hobole bhabona kuri ase aro etu bhal pora chulishe aro ami khan bhabona ase audience khan etu film bhal lagibo .Hoilebi etu dikhikena bishi lagise .Etu sal bishi bhal hoishe industry khan nimete aro mui bishi khushi ase stree bi etu khan te ekta thakishe.Etu Rajkummar Rao aro  Shraddha Kapoor starrer pora audience aro critics khan ke khushi kurai dishe.Etu film laga bhal bhal kotha olaikena etu film weekend te aro bi bhal jabole nishena ase.Etu horror comedy toh Dinesh Vijan ,Raj aro DK pora bonaishe aro Amar Kaushik pora direct kurishe.Etu film pora naam bonaishe Akshay Kumar starrer ‘Gold’, bhal pora chulikena bi .Aro etu film ke ahibole thaka film Paltan pora bi competition dibo nishena ase.